هل تعلم بأن هناك مدخلين للوصول لصافي الربح / الخساره ؟

سؤال لرئيس حسابات في انترفيو

هل تعلم بأن هناك مدخلين للوصول لصافي الربح / الخساره :

متى تستخدم طريقه مدخل الميزانيه وماهي عيوبها ؟

ومتى تستخدم طريقه مدخل الدخل وماهي عيوبها ؟

أولا : طريقه مدخل الميزانيه :

1- مميزات طريقه مدخل الميزانيه :
في الشركات الغير منتظمه في مسك السجلات المحاسبيه الطريقه دي انسب طريقه علشان تعمل رصيد افتتاحي تبدأ منه الشغل على نظيف .. لان اي محاولات بائسه انك تمسك ايرادات ومصروفات السنين اللي فاتت وتبدأ تشوف تأثيرها على بنود الميزانيه .. دا هيدخلك في طريق طويل لاهتعرف منه تعمل حصر لكل الشغل القديم ولا هتعرف تبدي شغل جديد وهتفضل في الدوامه دي كتير .. الاحسن اوصل لارصده افتتاحيه لكل الحسابات واعمل حاجه اسمها #ضرب_الميزانيه 💪 واللي فات مات وعفى الله عما سلف .. وابتدي شغلك عادي جداً على نظافه ولو فيه حاجه قديمه ظهرت قدامك عدل في الرصيد الافتتاحي وكمل بارك الله فيك 👏 .. دا بوست #ضرب_الميزانيه لو حابب ترجعله 👈 https://m.facebook.com/groups/182153721973999?view=permalink&id=935639163292114

2- عيوب طريقه مدخل الميزانيه :
لو حضرتك شركه منتظمه وحركات ايراداتك ومصروفاتك سليمه وكل حاجه موثقه .. اوعى تعمل نفسك ناصح وتقولي انا في نهايه كل سنه هعمل حصر لارصده حساباتي والفرق هيكون ياصافي ربح او صافي خساره .. حضرتك في الحاله دي بتهزر وعايز تدخل نفسك في مشاكل مع ضرايب في تقدير جزافي او مشاكل مع اصحاب الشركه بسبب غياب الشفافيه في عرض مؤشرات آداء الشركه المالي ( آداء مالي نعرفه من الدخل ) و ( موقف مالي نعرفه من الميزانيه ) .. هنا طريقه مدخل الميزانيه مش هتنفعك خالص ولازم تمشي بطريقه مدخل الدخل للوصول لصافي الربح او الخساره للرد على تساؤلات اطراف كتيره عن آداء الشركه المالي

وخلي بالك انك لو معاك حسابات اي شركه .. وعملت حساباتها كامله بدون أخطاء .. لازم صافي الربح اللي هتوصله بطريقه مدخل الدخل هو نفس صافي الربح بطريقه الميزانيه مع رد اي توزيعات ارباح حصلت في نفس الفتره .. دا مثال ممكن يفهمك الفكره 👈 https://m.facebook.com/groups/182153721973999?view=permalink&id=952289824960381

ولو حضرتك حابب تتأكد من كلامي هات اي مثال تاني وحله هتلاقي انك لو جيت تعمل ميزانيه هتلاقي ان فيه رقم ناقص عندك .. والرقم دا هوا رقم قائمه الدخل من ربح او خساره اللي هوا ممكن توصله بطريقه غير مباشره على طول بطريقه مدخل الميزانيه بس زي ماقولنا عيوبها انها مش بتديك اي معلومات عن مؤشرات آداء الشركه المالي ..

هتقولي ازاي ياعمرو ؟ اقولك هناك قاعدتين في المحاسبه لو فهمتهم هتفهم القصه دي :

1: القاعده الأولى : الزياده في المصروفات يؤدي بالضروره الى نقص الأصول او زياده الخصوم او كليهما معا وبالتبيعه بتتأثر حقوق الملكيه بالنقص بطريقه غير مباشره
2- القاعده التانيه : الزياده في الايرادات يؤدي بالضروره الى زياده الأصول او نقص الخصوم او كيلهما معا وبالتبيعه بتتأثر حقوق الملكيه بالزياده بطريقه غير مباشره

بالتالي اي تغيرات بتحصل على ارصده الاصول او الخصوم او حقوق الملكيه هيكون الفرق ياربح او خساره ولو حابب تتأكد شوف اللينك دا 👈 https://m.facebook.com/groups/182153721973999?view=permalink&id=930144200508277

ثانياً : طريقه مدخل الدخل :

1- مميزات طريقه مدخل الدخل :

طبعا حضرتك لو قريت عيوب مدخل الميزانيه هتفهم على طول انها مميزات مدخل الدخل وخصوصا زي ماقولنا انها شركه ماسكه حسابات منتظمه .. الطريقه دي بتوضح لاي حد آداء الشركه المالي كل فتره ومنه بيتم التوقع بمستقبل الشركه ورايحين على فين وفي نفس الوقت هي الطريقه المناسبه لعرض نتائج اعمالك لاي طرف خارجي زي الضرايب او الزكاه

2- عيوب طريقه مدخل الدخل :

طبعا حضرتك لو قريب مميزات مدخل الميزانيه هتفهم على طول انها عيوب مدخل الدخل وخصوصا زي ماقولنا انها لو شركه مش ماسكه حسابات منتظمه .. الطريقه دي هتلاقيها مرهقه جدا فوق ماتتخيل .. هترجع لفترات ماليه سابقه وتعمل حصر لكل الايرارات والمصروفات اللي احتمال هيكون جزء كبير منها ضايع وبرضوا مش هتوصل في النهايه لحسابات دقيقه وغالبا هتكون معظمها تقديريه وبرضوا ممكن رقم صافي الربح او الخساره اللي هتوصله ميكونش المتمم للفرق بين ارصده الاصول والخصوم والحقوق .. فالبتالي اعمل طريقه مدخل الميزانيه ومتخفش .. لأن اغلب مكاتب المراجعه بتعمل كده لو جالها زبون ضايع ومش ماسك حسابات منتظمه .. هتلاقيهم بيقولوله انسى اللي فات وهنعملك قيد افتتاحي سليم وهما اساسا عاملين #ضرب_الميزانيه 💪

#ابسطهالك_مع_عمرو_بزان 💪