ما علاقة بنود رأس المال العامل بقائمة التدفقات النقدية بالطريقة الغير مباشرة ؟

عزيزي المحاسب الكبير عزيزي المحاسب الرهيب عزيزي المحاسب الخطير

ليه لما بنعمل قائمه التدفقات النقديه بالطريقه الغير مباشره لما نيجي نعدل على بنود راس المال العامل بنعمل التالي 👇

زياده الاصول تطرح من التدفقات نقص الاصول تضاف للتدفقات زياده الخصوم تضاف للتدفقات نقص الخصوم تطرح من التدفقات
إيه السبب في كده ؟!!

اتفرج الأول على فيديو دكتور عادل مقبل في الدقيقة 11:05 وبعدين كمل معايا https://www.youtube.com/watch?v=rbSi3eg3p24

1- في البداية حبيت أوضح فكرة الفيديو في مجموعة النقاط التالية :

2- أنا بحاول أوضح أو أبسط للناس كل حساب بيأثر إزاي بشكل (غير مباشر) على النقدية وإلا كنا عملنا قائمة التدفقات النقدية بالطريقة المباشر وريحنا دماغنا

3- وللتوضيح أنا لما ذكرت إن حسابات الأصول على سبيل المثال (العملاء) لما بتقل فمعناها أن النقدية زادت ولما العملاء بتزيد معناها ( بشكل غير مباشر) إن النقدية قلت .. هتقولي إزاي الكلام يا أبو مروان !!

4- إزاي النقدية قلت والنحية التانية من القيد مفروض مبيعات ؟!!! ( من هنا عايزك تفكر معايا بعمق أكتر من إنك تكون حافظ خطوات إعداد قائمة التدفقات النقدية )

5- والجواب ياصديقي هو لما العملاء بتزيد من المعلوم أن الطرف الآخر من القيد هو المبيعات ولكن أنا مبتكلمش على قيد محاسبي أكتر من إني برسخ مفهوم تأثير الزيادة والنقص على النقدية بشكل (غير مباشر)

6- ولو إتكلمنا على زيادة العملاء أدى إلى زيادة المبيعات فدا أساساً جاي من تنفيذ إلتزام آداء سواء ببيع أو تقديم خدمة للعملاء ودا أكيد هيكون سبقه شراء مخزون أو دفع مرتبات علشان أكون قادر إني أنفذ إلتزام الآداء دا .. وبالتالي لما نفذته زادت العملاء

7- بعني زيادة العملاء أو أي أصل متداول بيشير إلى نقل منفعه إقتصادية من الشركة الى الطرف الآخر والتي تؤدي إلى زيادة أحد بنود الأصول المتداولة ، على سبيل المثال
- المخزون لما بيزيد فده معناها إني دفعت أو هدفع للمورد - العملاء لما بيزيد فده معناها إني قدمت خدمة أو بعت بضاعة - المصاريف المقدمه لما بتزيد فدا معناها إني دفعت لمزود الخدمة

8- ومن البديهي إن المنفعه الإقتصادية لما بتخرج من عندك دا معناها إنها كلفتك أو هتكلفك نقدية مقابل تنفيذ إلتزام الآداء ( من تكاليف نقدية مباشرة وغير مباشرة ) وبإختصار نقدر نقول أن أي زيادة في الاصول المتداولة جاية من تكلفة تكبدتها االشركة ( تم دفعها أو سوف سيتم دفعها لاحقاً ) في مقابل تسجيل الأصل

9- لذلك أيها المحاسب الخطير أنا أتكلمت في الفيديو على قائمة التدفقات النقدية الغير مباشرة كمدخل لكلامي لتوضيح العلاقة مابين بنود رأس المال العامل والنقدية ولكن مش الهدف بتاعي من الفيديو إني أعرف الناس ازاي يعملوا تدفقات نقدية !!

10- أرجع أأكد لك أيها المحاسب الخطير إني كنت بتكلم في الفيديو في شكل قيود لاتعكس معاملات تمت بالفعل وكل اللي عايزك تفهمه أن الفكرة من الفيديو بإختصار هي توضيح العلاقة ما بين بنود قائمة المركز المالي ومش لغرض معرفة خطوات إعداد قائمة التدفقات النقدية ، وبصراحة مكنتش عايز أقول كل الكلام اللي فوق دا علشان معقدهاش على الناس في الفيديو أنا بس كنت برسم العلاقة بشكل مبسط وسريع

وتعلوا نشرح الكلام دا بشكل مختلف على طريقة معادلة الميزانية الجملية

الأصول = الخصوم + حقوق الملكية ..

الأصول عبارة عن :
1- أصول كاش 2- أصول غير كاش

الأصول الكاش + الأصول غير الكاش = الخصوم + الحقوق

نودي الأصول غير الكاش مع الخصوم والحقوق بعكس الإشارة

الأصول الكاش = الخصوم + الحقوق - الأصول غير الكاش

وبالتعويض في المعادلة :

1- اي زيادة في الأصول غير الكاش هتققل الكاش والعكس صحيح 2- أي زيادة في الخصوم هتزود الكاش والعكس صحيح

وهوا دا تفسير الموضوع بس أنا حبيت 👇 #ابسطهالك_مع_عمرو_بزان 💪